الأحد ، ٢٧ نوفمبر ٢٠٢٢ ، آخر تحديث الساعة ٠٥:٢٦ مساءً بتوقيت صنعاء
الرئيسية - كتابات - "الحوثية" آفة مميتة
فكري قاسم

"الحوثية" آفة مميتة

فكري قاسم
الأحد ، ٢٠ نوفمبر ٢٠٢٢ الساعة ٠٤:٢٧ مساءً

الحوثية آفة مميتة

 
آفة تأكل الأخضر واليابس
 
آفة تقحط المحصول وتقرط العقول.
 
آفة تنحطل كل سابر.
 
الحوثي آفة كل الآفات ولا بد من زواله يالول.
 
-ما هذي أكيد؛ وكل آفة زوالها فيها؛ وهولا زوالهم قريب
 
- مله ايحين يالول؟
 
لما تبلغ الشرعية سن الرشد.
 
* * *
 
لول
 
هاااه
 
- شفتي مدونة السلوك الوظيفي حق الحوثيين؟
 
- ايوااااه.. بس نسيوا ما يقولوا للموظفين كيف يتوضوا وأين يطرحوا الأحذي حقهم لما يدخلوا العمل!
 
- ما هو هذا الجنان يا لول؟ مايشتوا مننا؟
 
- يشتوا يربونا من جديد.
 
لانو احنا كنا من أول ماشيين على حل شعرنا.
 
- وما ذلحين قد احنا ماشيين على الطاوه.
 
* * *
 
إيران هي الكنغر نفسه يالول
 
 تتقنفز في المنطقة العربية وفي جيبها الحوثي وحزب الله..
 
 وكلهم شابكين من ماصورة بيت النبي.
 
- ايوااااه.. والان إيران تلتهب تحت أرجل الكنغر والشعب الإيراني ناوي يخزق هذي الماصورة المقدسة.
 
- طيب والحوثي وحزب الله من عد عيتقز بهم داخل جيبه يالول؟
 
_ ما هولا لو نكع الكنغر والله ما عد شيلقوا من يتحملهم حتى اميتاهم.
 
* * *
 
- وعادهم زعلانين ليش الحوثي يغير المنهج يابهلول؟
 
يعني فاكرين أنه جاء يزرع ورد في المدارس.
 
- مغفلين حين يزعلوا..
 
قدو هذا هو الحوثي وهذا هو طبعه وشرعه ومشروعه في مواصلة اغتصاب السلطة!
وهذا ما يشتي زعل؛ ولا عتب ولا حوار ولا تفاهم.
 
- كان ما يشتي؟
 
- الحوثي يشتي له مواجهة ويشتي هزيمة تطعفر به وتدفن مشروعه السلالي الكهنوتي الاستعلائي.. قلك غير المنهج؟
 
مش داريين أن عادو شيغير القفل والربعة وشيخليهم راقدين في الشارع.
 
* * *
 
لول
 
هاه
 
- حسين العزي نائب وزير خارجية الحوثيين
 
- مالوه؟
 
- قال إن أكثر الناس تفوقا ونجاحا هم أولئك الذين يدركون جيدا أن المستقبل يبدأ بعد الموت!
 
طيب وهو ليش ما يسير يموت ويشق طريقه إلى المستقبل؟
 
- مله هو عادو قاصر وما يفكرش بمستقبله أبدا.
أحدث الأخبار
stop